💐राजस्थानी मायड़ भाषा गीत💐
💥आछी बरसी रै दोफेरयाॅं भारी लाई💥
🌺आछी बरसी रै दोफेरयाॅं भारी लाई।
सड़कां री डामर बहबा लागी।।टेर।।
सड़कां री डामर बहबा लागी रै,
या ताती-ताती-२ ब्याळ चाली।
आछी बरसी रै दोफेरयाॅं भारी लाई—-।
🌺रुॅंखडा़ री छाया बैठ्या ढांडा बैशुमार।
लूऑं रा फटकारा उठरया धूळ रा अंबार।
बरस्या आग रा-२अंगारा सीजै गात।
सडकाॅं री डामर बहबा लागी।
आछी बरसी रै दोफेरयाॅं भारी लाई—-।
🌺कुऑं-बावड़ी सूखण लाग्या धरती करै पुकार।
पेड़ लगाओ घणाॅं साॅंवठा हरियाली भरमार।
धरती हुळसै ली-२ देवै ली जीवनदान,
काया तो सगळी सुख पावेली।
आछी बरसी रै दोफेरयाॅं भारी लाई—-।
🌺रूॅंखड़ा री डाल्या बांधो भरया परींडा पाणी।
पंछी सारा आस लगाया लपक्या आवै जाणी।
ठंडो-ठंडो पीवै-२ नीर पखेरू सुख पावैला
गीत सुरीला गावै डाळी-डाळी भाई।
आछी बरसी रै दोफेरयाॅं भारी लाई—-।
रचनाकार
‘नायक’ बाबूलाल नायक
