💥दोहावली💥 (राजस्थानी में)

भूमिका

अनपढ़ जन सब जूझरया,फस्या कुरूत्यां मांय।
जीवन बीत्यो जा रियो,तू क्यूं उळझ्यो जाय।
बाल-विवाह, मृत-भोज म, डूब रियो परिवार।
झाड़-फूंक, भ्रूण-हत्या, करी रियो हर बार।।

गीत
अब तो जागो म्हारा र भाइड़ा-२
छोड़ कुरूत्या री नींदड़ली।
सारा जग में छायो रे अँधेरों-२
हो रही अब परभातड़ली।
अब तो————————-।।१।।
भ्रूण-हत्या और बाल-विवाह की-२
गंदी सोच की छौड़ हठीली।
अंधविश्वासां री तोड़ जंजीरां-२
क्यूँ जकड़े तू आंटडली।
अब तो————————-।।२।।
शिक्षा रो तू दिवलो जळा ले-२
मिट जावे घौर अँधेरों रे।
मृत्यु-भोज रो काळो काटो-२
तिरज्यो समाज घणेरो रे।
अब तो जागो——————।।३।।
झाडफूंक और पाखंडवाद न-२
क्यूँ अपणाओ व्यर्थड़ली।
परिवर्तन रो आयो जमानो-२
कुण की न्हाळो बाठड़ली।
अब तो जागो———————।।४।।
छौड़ कुरूत्या अब बेढंगी-२
शिक्षा री जोत जळाओ नी।
भूली बिसरी बातां छोडो-२
अब तो बहुत बहगयो पाणी।
अब तो जागो——————-।।५।।
💥बाबूलाल ‘नायक’

(व्याख्याता)